Når systra skal feire bryllaupsfest må det mykje planlegging og organisering til. Vestlandsjenta(frå Ytre-Standal - Norge) og vestlandsguten(frå Dakar – Senegal) feira med ein fantastisk fest i grindløa på Ytre-Standal siste dagen i juli. 80 gjester og stor dugnadsånd prega planlegginga og festen. Mykje måtte ordnast på førehand i løa – bygge dører, rekkverk, golv – og i tillegg alt arbeidet med grafisk materiale -invitasjon, bordkort, sanghefte/meny og takkekort.
Eg og systra starta prosessen med å finne eit konsept som vi syns kunne fungere og kom fram til å spele på svart og kvit – kjærleiken mellom motsetningane.
Logoen vart laga, og med den kom dei andre prosjekta som perler på ei snor. Eg leika med måter å bruke logoen på, fylt, i omriss eller penselstrøk, og såg samtidig på teknikkar for bretting og opning av invitasjon, sanghefte og takkekort. Veldig fornøgd med resultatet!
Invitasjonen vart sendt til trykkeriet som ville stille den ut – det var kjekt å høre.
Som ein tredje farge vart grønt innført – tepper, lyslykter, serviettar vart dekka på borda i løa.
Og festen? jau den vart så perfekt som vi berre kunne drøyme om - med senegalske musikarar, sangar og leikar!
Ingen kommentarer:
Legg inn en kommentar